油尖旺區色情架步星羅密布，不少舊式商住樓宇變相成了色情大廈。位處朗豪坊附近、以色情架步「聞名」的新興大廈，業主姚先生說：「以前呢幢大廈嘅一樓一鳳，嫖客多到企晒喺走廊，樓梯打蛇餅，年紀最細嘅有學生哥，最大年紀嘅阿伯睇怕都超過80歲；有時啲嫖客㩒錯鐘，仲會滋擾到啲正當人家。」朗豪坊開業後，姚先生覺得大廈變「乾淨」得多，鳳樓已大幅減少。
「對居民係好消息」
本身居於新興大廈、同時有50個套房收租的姚先生，曾經受騙出租了單位給鳳姐。他心有不甘，趁有嫖客登門光顧期間，暗地裏截斷單位電源，弄得嫖客沒趣，鳳姐結果知難而退，自動離場。他說：「大廈有個業主，自己又係地產代理，見錢開眼，將月租2,000蚊但唔夠100呎嘅套房，以4,000幾蚊租畀妓女做鳳樓。」
女兒經常因排練舞台劇至凌晨才回家的住戶莊太笑言，新興大廈商場受朗豪坊效應影響，即將改建成「銀座」購物商場，「對居民嚟講當然係好消息。」
此外，有仔有孫家住深水埗的杜太，過去曾多次在南昌街與大埔道交通燈位等候過馬路期間被嫖客的猥褻眼光「體檢」，「我已經行開啲，暗示我唔係雞嚟㗎，點知佢仲走埋嚟，搞到我發火，問佢做乜鬼，佢先至走開。」她指，曾見過有女街坊不甘被問價而掌摑嫖客。
杜太兩名已成家的兒子亦曾被流鶯叫他們「捧吓場，幫襯吓啦」，弄得十分尷尬。幸虧後來區議員向警方施壓掃蕩，流鶯才大為收斂，從元州、福華、福榮街等「據點」，流徙至海壇街一帶。