蔡依林（Jolin）稍後會幫台灣電台節目《Hito大Pod客》做主持，聽眾仲可以將節目下載到iPod或MP3隨身收聽，Jolin噚日喺台灣宣傳時話：「這是我的處女騷，內容更是包羅萬有，大家有可能聽到我亂笑和說口頭禪，讓大家認識更多的我。」Jolin又自爆想做狗仔隊，問佢最想追訪邊個？Jolin話：「我第一個目標就是小豬（羅志祥），若果之後還有機會，我也想訪問王菲和白冰冰。」
「他拿我當煙霧彈」
講開小豬，問Jolin知唔知小豬嘅新戀情，佢話只知小豬俾人偷拍，但就唔清楚佢嘅新對象係邊個。其實Jolin都俾人影過同小豬一齊嘅照片，Jolin話：「哈，原來他是拿我當煙霧彈。大家千萬別相信，小豬是我的好姊妹。」Jolin話佢哋打過幾次麻雀，雖然大家交情好，但唔會過電，Jolin又話：「為了這件事情，一定要想辦法安排一集節目專訪羅志祥，好好追問一下他在想甚麼？」
