樂易玲責徐子珊唔自愛

徐子珊日前喺電台節目暢談自己嘅性愛經驗，仲講得非常仔細兼露骨，有傳因為咁而激嬲無綫，下令將佢雪藏。噚日無綫製作資源部副總監樂易玲接受商台訪問，佢好不滿咁話身為港姐嘅徐子珊應該顧及形象，兼且佢係無綫嘅力捧新人，咁樣對佢自己形象大打折扣。樂易玲話如果知道徐子珊接受訪問，一定會叫佢小心講嘢。