立法會噚日辯論何俊仁提嘅六四動議。大嚿呢頭批評保皇黨唔出席，嗰頭自己就搞錯，將六四變成財政預算案，講講吓突然間話支持何俊仁提財政預算案。大嚿都知自己衰咗，但就講笑賴何俊仁太早提六四動議，累佢搞錯嘢。
每年六四辯論，大部份保皇黨都唔聽罷工，今年情況比以往仲嚴重。張文光話，人哋喺度辯論，但好多保皇黨留晒喺休息室食嘢，連西餅都食晒，以前都未試過咁嘅情況。
以前華叔喺立法會時，啲保皇黨都冇咁猖狂，點都畀番兩分面華叔聽辯論。
華叔今年繼續喺外圍支援，佢話內地嘅民主比1919年仲不如，嗰時都有啲出版集會自由，都可以宣揚唔同政見，但𠵱家就冇晒咁滯！
傳真︰2623-9278
電郵︰[email protected]