葉佩雯上次出碟已是5年前，與她同期出道的容祖兒，已成為樂壇天后，葉佩雯沒有因而氣餒，更積極操練重返樂壇做Rock妹，還充滿自信地說：「我終於做番葉佩雯啦。」
葉佩雯（Grace）5年前突然在樂壇消失，其間看到她的新聞，都是與男友郭偉亮（EricKwok）有關，每次出現亦只會被追問何時結婚，似乎沒有人記得她是歌手。
音樂路向相同
Grace今次重返樂壇，沒有感到絲毫壓力，亦不是外間所指為了在結婚前圓歌手心願而出唱片。Grace強調復出的原因很簡單，就是她喜愛音樂，她說：「我只係想做鍾意做嘅嘢，唔會理人點講，今次簽呢間公司，都係因為佢同我嘅音樂路向百分百相同，如果唔係我寧願唔出碟。」
Grace以Rock妹形象與歌迷見面，她慶幸有這轉變：「我17歲出道，當時只知道有機會畀我唱歌，公司幫我塑造形象，唔係咁鍾意，不過都要照做。今次令我最開心嘅，係可以話畀大家知，呢個先係真正嘅葉佩雯。」
不愛跟人比較
與Grace同期出道的何嘉莉早前嫁作人婦，祖兒亦成為樂壇天后，但Grace沒有因此而感到酸溜溜，因她認為最重要是做好本份，她說：「我唔明點解好多人會戥我唔抵，不過我從來唔會咁諗，人人經歷都唔同，我唔會同人比較，我要比都係同自己比，見到嘉莉嫁到好人家，我戥佢開心，見到祖兒有咁好成績，亦戥佢高興。」
採訪：李珮洳
攝影：陳俊強
服裝：drexfable
場地提供：Viet's（又一城）
髮型：RickyKwokofLeSalon
化妝：AnnieG.Chan
