鄺志堅早前雄心勃勃話要組黨，可惜，唔夠幾個月已經心淡晒。鄺大狀噚日喺立法會話，呢排收到某啲工會大佬嘅意見，都係勸佢唔好搞咁多嘢喇。雖然有啲兄弟撐佢，但𠵱家睇嚟，佢呢個建議都係走得太前，好難落實到㗎喇。
經過呢一仗，鄺大狀都有另一番體會，佢叫外界唔好睇到北京咁神化，以為話要組黨，都係北大人指使；查實講嚟講去，都係自己有個咁嘅念頭咋。不過，結果大家有目共睹，就係人哋根本當自己無到，鄺大狀話無因此心灰，但始終有啲後悔強出頭咁啦。組黨，真係好遙遠嘅事喇。
唔組黨，咁玩唔玩直選？鄺大狀直接話會㗎，仲話邊一區都無問題。難道佢自信心爆棚，以為落邊區都掂？非也非也，佢只係想話畀大家聽，自己會乖乖聽黨嘅order行事，講真嗰句，仲覺得自己落邊區都會輸！佢呢招係咪叫做以退為進呢？
另外，立法會噚日有唔少蝦碌場面，湯大狀同劉健儀都㩒錯掣投錯票，真撞鬼。
傳真︰2623-9278
電郵︰[email protected]