吳嘉龍（Carl）與盧巧音（Candy）最近接拍新晉導演葉偉英電影《半邊靈》，其中有場戲講述男方借醉行兇、意圖強姦女方。拍攝期間，瘦小的Candy雙腳亂踢、用盡九牛二虎之力反抗，吳嘉龍雖已手下留情，但仍弄得Candy周身瘀，他笑言：「我最尾俾Candy打番巴，真係乜仇都報晒啦！」
吳嘉龍繼前年在電影《桃色》演出多場大膽情慾戲後，在新片《半邊靈》中，亦有場意圖強姦的戲份，對手是盧巧音。
被迫自相殘殺
《半》片由新晉導演葉偉英執導，將於下周四上映。Candy在戲中分飾兩角、扮演從小就分開的孖生姊妹，兩女際遇有天淵之別。姊姊自幼窮困，妹妹卻非常富有；一次，妹妹偕追求者吳嘉龍返港與胞姊見面，殺機一觸即發。原來吳嘉龍一直覬覦女方的家財，遂刻意挑撥兩姊妹，更使計令窮姊姊殺了富妹妹，之後又威迫姊姊代替妹妹的身份接收死者所有財產，更意圖控制對方。
有日，吳嘉龍欲借醉強姦Candy，上下其手，又吻又摸，幸而飾演吳嘉龍妹妹的張曉雪及時制止。由於Candy甚少演出類似情慾場面，故感到很大挑戰，拍完這場戲後，她即大嗌好驚說：「因為阿Carl好大力咁捉實我，我咁瘦，邊可能夠佢大力？結果真係要用盡九牛二虎嘅力先可以推開佢。不過我都係亂踢嘅多，好驚會唔小心踢到佢，但為咗逼真，都唔理得咁多喇！不過拍完呢場戲之後就搞到成身瘀囉。」
慘遭千夫所指
至於阿Carl亦不好受，他說：「拍呢啲戲男仔係辛苦啲，因為驚掂到佢或者整痛佢，雖然我已經係用最細力捉住Candy，但都整到佢瘀晒，搞到劇組人人都話我唔憐香惜玉，勁慘！不過最尾我都俾Candy打番巴，佢呢巴都打得好大力，真係乜仇都報晒啦！」
撰文：林妃
