香港郵政署長蔣任宏加入郵務行列已經30年，佢噚日搞咗個退休前記者會，同大家分享吓佢做香港郵政嘅心得，順便hardsell吓佢自己寫嘅新書《香港郵政、卓越唯心》。老實講，蔣署本新書寫成點唔知，但佢老兄一向鍾意帶人遊花園，希望佢寫嘢唔會好似佢講嘢咁悶。
例如有記者追問佢係咪同緊銀行界傾緊一啲業務合作，佢就由盤古初開講起，話香港郵政嘅其中一個方針係要維持業務增長、致力擴充業務，𠵱家本港郵局有133間……下刪幾百字之後，佢終於話「內容未係時候透露，遲啲銀行公會有結果，會同大家分享。」
不過講開又講，署長噚日嘅分享雖然悶，但睇得佢為人其實好和氣同溫文爾雅，一眾記者都放膽不斷追問同一問題，唔驚佢發老脾，而部份前線員工都有嚟撐場，以示對佢支持。
傳真︰2623-9278
電郵︰[email protected]