超人家嫂王儷橋（前名王富信）證實喺上星期終於生咗個8磅7安士嘅B，為超人家族延續香火，李家上下飲得杯落外，王儷橋嗰肚皮相信都可以休息吓囉。
噚晚近7點鐘，小超李澤鉅響養和醫院出現，呢位爸爸啱啱放工，衫都未換，就拎住個公事包，響兩個保鑣保護下趕去探囝囝同老婆。
八方見李澤鉅心情靚絕，不停口笑又同記者揮手，仲逗留咗好耐先走。據知，超人李嘉誠曾經多次帶埋仔、孫女去醫院探望新抱。
王儷橋同小超結婚之後，肚皮就未得閒過，可惜連生3個女，即時搵咗高人改名，之後果然順風順水，兼且順產誕下男嬰。
傳真︰2623-9278
電郵︰[email protected]