電視劇《潮爆大狀》收視不俗，有份演出的陳鍵鋒（Samuel）飾演暴躁貨車司機亦大獲好評，他為演活角色，即使不在拍攝機前，舉止亦變得粗魯豪爽，令朋友十分不慣。
養魚7年
Samuel笑說：「今次都算係一個挑戰，為咗呢個角色，我要自己變做第二個人，因為要習慣呢種性格先會演得自然。」雖然角色粗魯，不過其實Samuel十分文靜，對養金魚尤其有研究。
日前Samuel就到金魚街賞魚，他說：「我養咗魚7年，初時只係識養魚，後來落嚟問吓人先知好多嘢要兼顧，之後又養埋水草同蝦，咁個魚缸先會好睇。其實我一有時間就會嚟行吓，之前拍《衝上雲霄》都有同阿Ron（吳卓羲）嚟睇嘢㗎」。
採訪、攝影：藍文浩