理文造紙（2314）同玖龍紙業（2689）好受投資者歡迎，單睇股價已知道，原來呢兩間公司嘅客戶，從事瓦楞紙產品的合豐（2320），近排都受基金留意，股價正穩步上揚。
合豐上月公布全年業績，盈利6971萬元，微升4％，但公布業績之前，惠理基金以每股1.80元，增持1500萬股，然後喺上個月底，又見另外一個基金增持至5％樓上。
經紀黃話，合豐喺清遠市的瓦楞芯紙廠房已於2月投產，可以提供三至四成的生產原材料，另外亦打算繼續進行收購或興建廠房。
據講合豐近日頻頻與分析員會面，隻股多咗人認識，股份交投亦轉活躍。
合豐昨日升10％，收2.20元，成交股數177萬股，金額380萬元。
另外，創業板奇葩之一的安瑞科（8289），昨日出現大手成交上板，有成51球咁多，每股造4.60元，據講係有股東減持，但好快就有芬佬接晒。
慕容小初