男人愛炫耀性伴侶多寡，女人卻愛收收埋埋，老實講，有咁多男人尋歡自然有咁多女人迎送。15歲破處到今年28，Pansy有過過百性伴侶！濫交？淫蕩？「我唔覺喎，亦唔會睇唔起自己，做人開心咪得囉。𠵱家社會邊有話邊個蝕底？同我上床嘅好多年紀仲細過我，你點知係佢歎我定我歎佢？」
記者：陳慧茵 攝影：譚盈傑
世盃未至，「打假波」已鬧得沸沸揚揚！36巨乳夢被PAAG打殘，24蛇腰仲想指望金腰帶？醒吓啦，平胸無罪、水泡腰仲可愛，燕瘦環肥，自有這裏歡迎妳。
80%高潮率
果然是歎！天賦Pansy是個容易高潮的女人，10次做愛她可以8次有高潮！「有時諗自己都幾幸福，身邊有朋友甚至試都未試過。自己15歲已試到第1次，做做吓突然全身肌肉繃緊，下身好熱，高潮過後成個人軟晒，攤喺床上，淨係識享受高潮餘溫。」看到這裏，Pansy濫交的個性在你眼中是否已畫下更深線條的輪廓？但實情她不好一夜情、需索也不算大。怪只怪中葡混血兒的她，輪廓標致分明，年屆28仍經常被錯認18、22，加上愛穿熱褲，一雙腿線條勻稱，走在路上，男人總會不期然多望兩眼，伴侶怎會不比別人多？
初夜 1晚11次
係，多人吼唔一定就要受。如輪轉的男友不少已然面目模糊，惟獨一個他──即管稱呼做A吧。那年15歲，Pansy與同齡的A邂逅在龍蛇混雜的廟街。「佢喺廟街賣鹹碟，主動嚟識我，我無嫌棄佢，賣鹹碟唔係偷唔係搶，都算正當職業。」無數個第1次也自然而然給了「正當」的他：第1次拍拖、第1次高潮、第1個BB……猶記得初嘗極樂那晚，雙方共做了11次愛！「係我人生紀錄，由夜晚到第二朝幾乎無瞓過，只知不停咁做，初時要10分鐘回氣，5、6次後，要唞個幾鐘。」直到Pansy下體乾涸得進入困難，出現撕裂痛楚，對方幾近出無可出，激戰才被迫告一段落。賽後檢討才知雙方都是第1次。
從此 雞蛋唔會放晒喺一個籃
個多月歡愉，Pansy發現自己懷孕，來不及彷徨媽媽已答應全權撫養。「媽咪話以前落過一次，唔想我重蹈覆轍。」兩小無猜亦沒想過奉子成婚，「當時年紀咁細，未玩夠，都預咗會分開。」分開由Pansy提出，促成的卻是對方。「佢身邊不停有女仔出現，每次我發現嗌分手，佢就會即時同對方斷絕來往，但無耐又有第2、第3個……」鬧劇沒完沒了，她試過割脈、灌洗頭水，最後變得麻木，「我唔忿氣，不斷問自己點解佢可以有咁多女友但我唔可以？之後我諗將愛分散投資就唔會咁Hurt。」走馬燈的愛情觀一旦植根，不愛用避孕套、育有三子、仰藥做愛、泳池野戰甚至一皇兩后……2年初戀禍延1生，從此心底只渴望永遠樂逍遙。
第1個男人無 以後都唔戴套
「我唔鍾意用套（避孕套），第1個男人無，以後嘅男人亦唔需要。我唔鍾意隔住層膠嘅感覺，除非對方夾硬要戴。」不戴套，甚至任由對方在體內射精，「朋友話我亂嚟、不顧後果，我認自己一世人都好任性。」奇迹地，過百性伴侶，Pansy未嚐過性病滋味，「3年前生細仔時，驗過無愛滋病，直至今日我都當自己無。」荒誕、大膽，是Pansy分手後10多年的性生活詮釋，不過任職Sales的她人生高潮迭起！
痛楚難當 休戰半月
「有次喺酒吧識咗個ABC，佢全晚跟住我，又問我可唔可以做佢香港女朋友。」離開時，對方「邀請」她到下榻酒店繼續狂歡，Pansy沒有拒絕，「可能因為佢同我有共同嗜好，鍾意索K啩。」藥物加上酒精，二人嘗遍房內每個角落，由床至梳化、衣櫃、浴室，「佢好狼好瘋狂，又抬起我、又狗仔式，仲將我大腿撐到有咁大得咁大，每下都出盡力，索K後成個人軟晒只係覺得好玩。」高潮後翌日Pansy才覺痛楚難當，要定下半個月休戰期。
泳池慢進
難忘的還有在公共泳池的性經驗。對方與Pansy相識1星期，整天只呆在家瘋狂做愛，嘗遍不同體位與家中角落後，對方忽發奇想到公共泳池試做。「我哋挨喺較僻靜嘅池邊，見附近無人佢就撩開我泳褲邊開始做，大家都好驚俾其他泳客或者救生員發現，所以一下一下慢慢郁，喺水裏面做感覺好得意，好實好『啜』，不過只想快啲完事當攞個經驗，所以無高潮，但真係好刺激。」
下海1日即上岸
激？未算。一皇兩后，男人不敢訴諸於口的Fantasy，Pansy卻嘗過了。對象是個40多歲的中年男人，是Pansy任職夜總會的女性友人的「老闆」，外出巧遇Pansy，便慫恿以5千元肉金作性交易代價，「佢見我猶豫，提出不如搵埋我個朋友一齊，不過細細聲叫我唔好話畀朋友知畀咩價錢我，因為只會畀1千蚊佢。」沾沾自喜加上好奇，Pansy半推半就下踏出這一步，「望住自己同朋友嘅裸體，我唔覺得尷尬，反而望住個男人呢邊做幾下，嗰邊做幾下，覺得好好笑，過程完全唔Enjoy，只係諗快啲完事快啲收錢。」錢到手後翌日，Pansy與友人一同Shopping，買了對心儀已久、2千多元的皮靴。
3子之母 從未結婚
放任多年嘗過過百男人，Pansy亦曾想過安定下來，4年前，回老家澳門，認識了另一個他──想來，該叫他做N了。自15歲誕下大女後，今回與N再誕下一對子女，對方想結婚，她思前想後還是拒絕了。說穿了，原來因為過去陰影作祟，「可能有比較，同第1個當年咁鍾意嘅都無結婚，當年大家日日見都唔會厭，搵唔番呢種感覺，我唔想結婚。」去年，Pansy更突然帶同一對子女離開澳門，重踏香港，澳門「老公」越洋過海，甚至像電影橋段般手執鮮花跪地求她回去，她仍視若無睹，「對佢無晒感覺，唔想害咗佢。」
吓？20幾歲做阿婆？
大人任性，子女首當其衝無辜受罪，Pansy大女兒未嘗母愛，卻與Pansy同樣任性，中一女生，已經常徹夜不歸，「我唔識點管教佢，只係同佢講，媽咪有辦你睇，花心還花心，唔好咁快啤一件出嚟，我未接受到20幾歲做人阿婆。」不敢過份責怪，因為自覺虧欠。半年前，Pansy在酒吧重遇A──女兒的親父，偶遇地點依然毫不浪漫，只是人面全非，對方已在年多前結婚！那刻處身昏醉縱慾的激情地，Pansy卻說那次不想要一夜情，「唯獨佢一個我唔想，如果再一齊，應該係一生一世。」女人，畢竟渴望天長地久。
後記：戀舊林
因為《阿飛正傳》，男人喜歡戲謔自己是「無腳雀仔」，瀟灑遊戲人間，其實哥哥在戲中還說過以下獨白：「以前我以為有一種雀仔，一開始飛就會飛到死亡的那一天才會落地，其實，牠甚麼地方也沒去過，那隻雀仔一開始已經死了。」訪問尾聲，Pansy透露年底將會飛往澳洲，原來3個月前，她在港認識了在當地修讀博士的男人，對方知悉她的經歷過去，仍堅持帶她到澳洲定居，「預咗自己最後又會返嚟，不過想離開香港，出去見識吓。」是任性？是瀟灑？筆者只知道，負重雀仔，不會飛得逍遙自在，性，充其量不過讓精神短暫翱翔。
容易有高潮未必好
臨床身心行為學家李寶能：「過多性行為會令女人陰道鬆弛，身體產生自然保護功能，從而令性敏感度降低，愈來愈難獲得高潮；至於太易有高潮聽落好吸引，但其實代表陰道特別敏感，亦即係特別易受傷，其他人覺得輕微痕癢，當事人可能已經係痛楚。」
泳池做愛易引起陰道炎
性病及皮膚科醫生黎湛暉：「泳池係公共地方，雖然氯氣唔會對陰道造成影響，但泳池可能存在大小便排泄物的細菌，如大腸桿菌，如果進入陰道便會引起陰道炎；另外於泳池性交由於採取直立姿勢，射精後精液會隨水流出體外，所以懷孕機會相對較低。」
