名模周汶錡（Kathy）前晚在中環主持新酒吧開幕儀式，扮捽碟又調雞尾酒，表現風騷。她又獲法國男友Julien任職的珠寶店贊助佩戴名貴心形鑽石頸鏈，記者稱她為老闆娘時，她雖否認，但狂笑不已，顯得相當受落。
周汶錡、Rosemary、任葆琳、翁嘉穗與一同於98年參選環球小姐的前馬來西亞小姐黃淑玲等，前晚出席中環HaHaClub開幕活動，盛傳大肚的徐濠縈以手掩面，躲在友人後鬼祟入場。
擔任特別嘉賓的Kathy調製名為SexyKathy的雞尾酒，還跟外籍DJ學捽碟，她說：「我特別改個drink嘅名叫SexyKathy，我覺得自已嘅笑容最sexy，同埋近排我曬黑咗，仲加多咗啲健康性感。」Kathy透露以往的男友都盛讚她笑容性感誘人，但無意做豐唇手術，她說：「嘩！脹咗咪講唔到嘢、變晒形，我怕唔夠自然。」
「呢個牌子係新寵」
Kathy頸上佩戴的名貴心形鑽石鏈出自法國男友Julien任職的珠寶名牌Pianegonda，她直認不諱說：「係呀，唔係送㗎，贊助咋！不過呢個牌子都係我近期嘅新寵。」記者稱Kathy為老闆娘，她即笑不攏嘴，相當受落，但卻都說：「咪亂噏啦！」
而周汶錡離開後，舊愛杜德偉與兄長杜德智及李樂詩才到場，過氣情侶未有同場相遇。
此外，任葆琳透露剛與友人以近億元投資買了1個意大利時裝品牌，她說：「我都係大股東，買咗個牌子可以自己請設計師、開舖。」
採訪：RitaLeung
攝影：ChenWaiOn
