吳浩康最近新聞多多，俾人影到攬女之後又傳佢搭上女同志，轉個頭仲傳出俾公司雪藏。噚日佢喺新城好口響咁話：「我5月10號會去上海拍戲，最近又宣傳大碟，咁忙，雪藏傳聞唔使講啦！不過我決定以後唱K都會留番屋企唱。」問佢早前俾人影到攬女之後，女友胡定欣有冇扭佢耳仔大興問罪之師？吳浩康話：「冇，佢明白。」