王晶近年主力喺內地市場發展，呢個月中佢又會同內地導演王光利合作開拍1部警匪片《卧虎》，演員方面有吳鎮宇、陳小春、鄭伊健、曾志偉、余文樂與內地小生聶遠等。部戲係講卧底嘅，片種屬黑色幽默類，劇情比較荒謬同搞笑，講警方派出500名至1,000名差佬混入黑幫，結果搞到黑幫人人自危。王光利話希望兩個月拍好部戲，趕及喺8月或9月上映。