梁洛施的新歌《伊莎貝拉》MV由杜汶澤擔任導演，彭浩翔原先自薦擔任男主角，可是阿澤竟嘲笑彭浩翔相貌不配，而以蜥蜴取代，反而逗得梁洛施很開心。
梁洛施（Isabella）前晚在粉嶺拍攝新歌《伊莎貝拉》MV，導演杜汶澤特地送了1隻蜥蜴給Isabella，並將牠當作MV的「男主角」。MV講述Isabella犯事坐監，出獄重獲自由後，本應很開心，但因沒有朋友而感到孤獨，只有與蜥蜴作伴。
「鍾意古怪嘢」
Isabella面對着蜥蜴，顯得毫無懼色，她說：「我好鍾意啲古怪嘢，阿澤知道咪買嚟送畀我囉，順便可以做道具。我好開心呀，其實蜥蜴好純，唔使驚㗎。我都好鍾意蜘蛛，不過好難養，有毒唔可以攞出嚟玩。」
問Isabella為何由阿澤擔任MV導演，她說：「佢自薦嘛，𠵱家冇男主角，彭浩翔忙緊寫劇本，嚟唔到。」阿澤卻說：「彭浩翔點都話要做男主角，個故事係講個女仔好孤獨，所以我冇將個通告話佢知，佢又唔嚟探班，又冇睇星蹤，咪抵佢死囉，又唔照吓鏡，睇下自己乜嘢樣。」難道彭浩翔比不上蜥蜴？阿澤說：「又話首歌要自己填詞，人哋𠵱家派台呀，都未填出嚟，冇佢份啦。」
採訪：魯萍
攝影：陳順禎
