樂壇女新人胡林今日推出首張大碟，雖然近年不少新人瞬間便踏上紅館舞台，但擅長爵士音樂的胡林目光更為遠大，她坦言目標是希望像韓國人氣歌手Rain一樣，在美國紐約時代廣場的電視螢光幕亮相，將自己的音樂帶到全世界。
樂壇新人輩出，去年的實力派新人王側田和衞蘭成績有目共睹，今年的女新人胡林同樣走實力派路線，在紐約學聲樂的她，今日推出首張個人大碟，更走香港市場甚為少見的爵士歌手路線，大碟更邀得曾為美國爵士天后NorahJones的創作班底製作，並移師到奧地利進行錄音，期望能吸引到1班熱愛HiFi的歌迷。
新碟籌備兩年
胡林笑言籌備近兩年的大碟終於完成，心情猶如迎接初生BB般興奮，談到對新碟銷量是否有信心時，胡林說：「冇得驚，如果冇信心，平時出嚟唱歌都冇咁好，而且𠵱家啲觀眾已經開始留意音樂，只要做得好就一定會有人鍾意，自己唱jazz就會特別啲。」
近年不少新人出道不足1年就能在紅館舉行個唱，胡林坦言希望有機會能踏足紅館舞台，但其目標卻不止於此，她說：「大家機遇唔同，總之要一步一步嚟，但係我最想將我嘅音樂帶到唔同地方，因為音樂係冇分語言，好似Rain都可以喺紐約時代廣場播佢嘅MV，我都希望可以有咁嘅1日，最想就係可以喺紐約演唱，個演出場地大定細都冇問題，最緊要有人欣賞就得。」
採訪：駱華齡
攝影：仇志德
