葉蘊儀近年迷上黏土藝術，還做出點成績，她的作品將於本周五至周日在香港中央圖書館展出。日前葉蘊儀與現年6歲、充滿藝術天份的女兒紹珩齊示範做黏土藝術，她盛讚女兒在這方面很有天份。
近年迷上黏土藝術創作的葉蘊儀（Gloria），除已考獲日本Deco黏土學校專業教師文憑，還成立GloriaFairyShop開班授徒，並將於本周五（5日）至周日（7日）在香港中央圖書館舉行的「香港黏土藝術展覽2006」中展出作品。
讚乖女有天份
日前葉蘊儀與現年6歲的女兒紹珩一同示範黏土創作，做出的作品都栩栩如生，她大讚女兒具藝術天份，除了懂做黏土，紹珩畫的油畫亦很有水準。
葉蘊儀說：「我覺得做黏土藝術嘅空間好大，而且好方便，喺屋企做都得，唔使放喺焗爐焗，黏土會自動乾，然後上色就得啦！我建議小朋友喺3歲左右學繪畫，大個啲就學做黏土。」
下一步開畫展
提到女兒紹珩，葉蘊儀說：「囡囡嘅藝術天份唔錯，𠵱家啲小朋友太成熟，冇晒童真，淨係掛住打機同睇電視。我每日只准仔女睇45分鐘電視，反而畀佢哋學做呢啲藝術創作對佢哋仲有益，好似我以前都唔知自己嘅興趣係乜嘢，烏sirsir走去學人拍戲，到後來慢慢先發覺自己對呢方面有興趣，2年前仲開始學畫油畫，希望遲啲可以開個人畫展啦。」
採訪：RitaLeung
攝影：MatthewLam
