汪明荃（阿姐）和杜琪峯近日為西九諮詢名單而展開爭拗，被阿姐質疑不夠代表性的劉千石，正是陳寶珠師傅白雪仙的好友。昨日寶珠出席音樂劇記者會，被記者問起撐粵劇界代表還是撐劉千石時，即時顯得左右為難，最後更拒絕表態。
陳寶珠和鄭少秋攜手合作的音樂劇《天之驕子》7月開騷，昨日《天》劇於金鐘萬豪酒店舉行記者會，除寶珠姐和秋官兩位主角外，寶珠兒子楊天經、李香琴和林建岳等均有出席。
李香琴撐阿姐
談到汪明荃和杜琪峯近日就西九諮詢名單而掀起罵戰，阿姐質疑劉千石是否經常陪白雪仙出出入入，便可代表粵劇界出來講說話，粵劇界出身兼是白雪仙徒弟的寶珠說：「希望大家和平共處，對事唔係對人，粵劇需要有廣大嘅人支持，粵劇藝術性好高，大家應該幫吓手。」問寶珠如此說法是否撐阿姐時，她即緊張萬分地澄清說：「唔好咁講，我係成件事嚟睇，係對件事啫。」記者問她對劉千石被指不夠代表性有何看法時，寶珠為免得失師傅白雪仙和劉千石，以及阿姐任何一方，惟有說：「我唔係咁清楚來龍去脈，唔知發生乜嘢事，唔方便去講。」
而琴姐則說：「我係粵劇出身，梗係支持啦，我唔係反對劉千石做代表，但覺得應該加兩個粵劇界代表做手下，咁就會好好多。當年梁醒波做八和主席，已經同政府爭取永久演出場地啦，到𠵱家都未有。」
秋官避性教育
此外，秋官跟官晶華所生的17歲女兒鄭詠恩，近日被雜誌拍得跟男性約會，對此秋官笑說：「冇乜嘢，梗係有男同學㗎啦，最緊要唔好為咗拍拖影響學業。」問秋官有否向女兒灌輸性教育時，秋官表示由太太負責，其時寶珠剛巧經過，秋官即捉住寶珠說：「佢哋問我有冇教個女性教育喎，你個仔唔使啦，都過晒嗰個年齡。」寶珠聽罷沒好氣地說：「係呀，天經等緊你個女，我哋對親家。」
採訪：陳月萍
攝影：陳慧安
