喺啱啱過去嘅長周末，難得一班有車嘅朋友都放假，所以就決定來轉環島遊，集合地點則是華富邨某個多層停車場附近。那晚我跟另一位朋友先到，於是停車落地吹吹水，點知隔咗一陣就有「歡樂早場」畀我哋睇。場戲係掛住P牌的電單車司機，開着他心愛的「老綿」由停車場駛出，但可惜他完全沒有理會路面情況便衝出去；恰巧那時正有一部警車駛至，這個情況嚇得開車的警察先生又響按又要急煞，最後係點？當然係「老綿」司機俾警察先生訓示一番！
得罪講句，一小撮開電單車的朋友（尤其是掛有P牌），往往不顧自己或別人的安全，在路上左穿右插，我也曾親眼見過一部掛着P牌的電單車，在屯門公路以超過法例規定的速度切線，嚇得被Cut線的私家車險些失控撞欄。究竟開咁快有咩用呢？尤其係掛有P牌的電單車司機，你們在路上開車的經驗或有不足，亂咁開車只會隨時導致自己或別人發生交通意外，正所謂小心為上嘛！
記者：鄭達基