呢排天氣轉熱，好多種瓜都開始當造，呢種圓碌碌、青青綠的瓜我就最鍾意叫佢「打狗瓜」。打狗瓜即係水瓜，俗語都有講「水瓜打狗，唔見一截」嘛！其實水瓜都係絲瓜的一種，夏天當造，佢同一般絲瓜最大分別就係絲瓜係起稜角，有硬邊，而水瓜就圓滑啲，所以又叫「無稜絲瓜」。
買水瓜時，唔可以單憑肉眼，一定要用手觸摸才穩陣。幼嫩的絲瓜柔軟而具彈性，其棒狀瓜耳條紋色澤明亮。回家將水瓜拗開後，可以見到肉色純白且無瓜核便為之靚瓜了。柔嫩的水瓜適合整水瓜蝦、水瓜烙等菜式。如果買錯老瓜都唔怕浪費，可以用來煲老火湯，事關水瓜有清熱、化痰、解毒嘅功效，用來煲湯，有清熱消暑，利尿祛濕的作用。