胡小姐：我都有特登返屋企睇首播，我知道係用《金枝慾孽》原班人馬，之前都睇過黎姿、陳豪、佘詩曼同林保怡演出，所以今次反而最期待邵美琪同蔡少芬嘅演出。我最記得有一幕就係陳豪俾人用炮仗炸傷，畫面都幾殘忍，個氣氛都好緊張，所以細路仔就唔係好適合睇。
吳先生：套劇未播宣傳攻勢都好勁，好多人都有講，我都有睇套劇，唔係想像中咁好睇，同埋我覺得演員欠缺新鮮感，又係同一班人，劇情係幾老土，第1集係覺得個畫面好黃，唔係好習慣，但啲景好吸引，取景值得一讚。
丁小姐：我覺得幾好睇，未播好多報紙同雜誌都有講，我好多朋友都話好睇，劇中嘅演員幾個都OK，我覺得佘詩曼做得好，平時我都有睇佢啲劇。
