向海嵐、梁靖琪（Toby）和朱凱婷等前晚錄影無綫世界盃特備節目，明知運動細胞欠奉的朱凱婷，特別穿上短褲配球衣，還出動父親的幸運波襪和新波鞋踢波，成功突圍。
向海嵐、梁靖琪、胡諾言、王賢誌、朱凱婷、戴夢夢、港男高鈞賢和黃長興，前晚在將軍澳電視廣播城錄影由袁彩雲和林敏驄主持的節目《頂CUP世界盃越鬥越強》。眾人分成兩隊，前4者穿上韓國隊球衣，後4者則披日本隊球衣，即席比試球技，結果由兩名港男壓陣的日本隊勝出，輸了的一方更要被勝出的懲罰「射龜」，相當慘情。
臨時更換球衣
朱凱婷是唯一穿短褲上陣的女將，她說：「我自知運動唔得，咪花心思打扮攞多啲分囉，我阿爸係足球迷，我今日着對波襪都係問阿爸借，之前都有喺屋企練過腳法。」
戴夢夢前晚原本自備類似和服款式的日本球衣，但無綫臨時要她穿大會指定的球衣，令她十分失望，戴夢夢說：「嗰件衫買咗幾百蚊，惟有下次着番，原先無綫話可以着，後來臨時又話唔得，要我即時換番衫，好尷尬。」戴夢夢的腳法亦算中規中矩，射龍門時更連入兩球。
惡補足球知識
袁彩雲早前到了德國拍攝世界盃特輯，她說：「當地嘅氣氛好濃烈，仲有波形香腸。我其實對足球認知有限，所以都要惡補，我希望遲啲世界盃期間再去德國時，有機會訪問德國球星波勒（MichaelBallack）。」
袁彩雲早前與富家公子胡文新分手，問她在德國可有艷遇？袁彩雲說：「德國好多男仔單身，佢哋好重家庭觀念，不過我唔鍾意嫁鬼佬。」
採訪：卓寶花
攝影：陳順禎
