香港人食嘢嘅口味真係同後生仔女拍散拖心態一樣，日日都要新鮮感，有餐廳為切合港人口味，1個星期7日，每天供應1款頂級靚牛，就算花心男友晚晚帶新女友去食飯，都唔會悶親自己啦！
記者︰方綺君 攝影︰伍慶泉
Model︰Ruby、Ricky@Salvador
頂級牛肉 日日換畫
咪以為可以做到日日換畫好簡單，淨係諗哪裏入到不同牛肉已經係一大難題。點解MR.STEAK可以？要講講古仔喇！MR.STEAK創辦人兩代均為高級牛扒供應商，供應全港約7至8成五星級酒店的優質牛扒，其後創立餐廳，以批發價錢向食客提供優質牛扒，我們只需以平民價，口舌就能有五星級享受，以後唔使捱貴扒啦！今次精選7種牛肉，讓你一星期試足7種口味。講真，食落味道同肉質相差有幾大，小記係外行人真係唔識分，不過齋聽MR.STEAK個名，見埋啲牛肉真身，全部肉色鮮紅、肉質結實，都已大飽眼福！
鐵板烹調 啖啖多汁
單是不同品種的牛肉當然不能滿足嘴刁的你，MR.STEAK早有一着，開張才一個月的MR.STEAKalaminuteBuffetRestaurant餐廳以alaminute為概念，意思即是「Readytocook」，即叫即做。以Teppanyaki（鐵板燒）方法即場響你面前烹調牛肉，幾多成熟自己話事，鐵板燒以高溫封住肉汁，𡁻落零舍多汁，唔使再受熱盤內一路翻煮又翻煮的滋味。女士們嫌棄Teppanyaki熱氣？可以試試即製Sukiyaki澳洲極和牛，還有自選蔬菜和麵條配料，好似食車仔麵咁，配上日本上湯和日式Sukiyaki汁。
花心Ricky周記
星期一
加拿大優級肉眼牛扒
肉眼即牛脊前半部份，因為活動少，所以肉質嫩，而且脂肪比例平均，口感處於西冷及牛柳之間。
星期二
千層極和牛
澳洲入口，即是澳洲安格斯牛與日本神戶牛的混血兒，並以大麥進行穀飼，雪花紋分布平均，入口嫩滑無渣，牛味馥郁。
星期三
美國安格斯嫩心肉眼牛扒
當中最貴價的是美國安格斯嫩心肉眼扒，嫩心肉眼扒的矜貴之處，是取肉眼牛柳最中間的肉，肉質特別腍，一條肉眼柳只有約6成肉可選作嫩心肉。
星期四
純種極和牛肉
澳洲入口，極和牛肉的肉質較極黑牛（美國Angus及和牛的混種）略腍，但雪花紋分布平均，入口嫩滑無渣，牛味馥郁。
星期五
澳洲安格斯黑毛牛肉眼扒
安格斯牛的肉質細緻，脂肪如大理石紋般分布其中，肉質鬆軟多汁，公認是市面上最鮮嫩多汁的牛肉。
星期六
極和牛肋骨肉
牛肋骨是牛身上最嫩的部份，牛肋骨肉質微韌最有口感。
星期日
美國優級紐約西冷牛扒
西冷牛扒是牛的後腰肉，是腰肉的尾端，脂肪含量適中、帶筋、肉質細嫩，最好的西冷甚至嫩到入口即化的地步。
食牛貼士
吃上等牛肉，最簡單就是最美味，可不用蘸任何醬汁，或加些海鹽調味即可，如客人要求醬汁，餐廳會提供自製的味噌芥末汁，同牛味配合得天衣無縫。
泰皇粉絲蟹煲
用菲律賓肉蟹，泰式炒法酸酸辣辣，粉絲吸盡蟹汁的精華。
不經急凍
阿拉斯加長腳蟹不經急凍，捕獲後即日空運到港。（周二四六供應）
食客有Say
自助晚餐
時間︰星期一至四7:30pm-9:30pm
價錢︰成人$268/小童$144/長者$236
時間︰星期五、六、日及公眾假期
價錢︰成人$298/小童$159/長者$268
註：此價錢適用於5月21日或以前
MR.STEAKalaminuteBuffetRestaurant
地址︰銅鑼灣恆隆中心3樓
電話︰28815757
