HDDVD終於有貨返，除咗早前講過嘅《歌聲魅影》同《最後武士》之外，新鮮滾熱辣殺出多一隻《李克勤嘅演唱會》，不過最頭痕嘅情況，就係出現有碟冇機播！據知香港行貨方面，暫時全無聲氣幾時到貨，行內人爆料最快可能11月會有貨返，真係有碟都俾佢攤到凍晒。至於水貨舖方面，旺角AVSales透露，今個星期可望有HDDVD機水貨返，真係碟迷救星！不過價錢方面暫時未定，哎！獨市又缺貨，希望班AV舖「刀下留人」啦！
售賣點：DVDPro（23326326） 地址：旺角奶路臣街6E德發商場地庫B4舖
