沒有糧出的日子有多難捱？有人因欠錢供樓而被罰息、有人因沒有錢償還貸款被追數、有人因未能付出足夠家用而遭家人冷嘲熱諷。不過，《成報》員工仍然緊守崗位，互相勉勵，有主管自創「救濟基金」，借錢予有需要的下屬。憑藉這份團結，貼錢打工的員工，攜手走過歷時年多的欠薪路。
「離開《成報》，係我一個解脫。」一名在《成報》任職經年的記者，決定今天遞信辭職。她寧願抽身離去，也不等待公司清盤賠償，是因為對公司徹底絕望，「畀人呃得太多次，唔可以再信佢。」
成立數千元基金
幾乎未曾準時出糧的這一年，有太多太多員工受盡煎熬，「有啲人仔細老婆嫩，無錢供樓，畀人罰息，邊個賠畀佢？有啲後生仔啱啱入嚟，連grant-loan都還唔到，見到都戥佢可憐。有啲人畀唔到家用，都好慘㗎。」
幸而《成報》內的員工，就是願意團結一致，互相勉勵支持。有主管級人士更在欠薪期間，自發成立為數約幾千元的基金，以朋友身份，借錢予有經濟困難的員工度過難關。有員工因而留低，一員工便由衷指：「主管肯用私己錢畀周轉不靈嘅同事，其實好偉大。」
一名在《成報》任職多年的老員工則指，厭倦了公司的拖拖拉拉，「一係執咗佢，一係就搵人揼水，總好過𠵱家咁樣。」她指公司在欠缺資源下，人手嚴重不足，根本無法做出專業質素，更慨歎從前被視為報界「木人巷」的《成報》，無法再為新晉記者提供發揮機會。
聽眾潘小姐則於商業電台節目《左右大局》稱，常常要借錢給在《成報》任職的朋友度日，「就連我個雪櫃都畀佢搬走埋」，並大讚罷工的員工「好勇敢」。
本報記者