鄧萃雯和蔡少芬、羅慧娟等目前正在歐洲傳道，她們10多日內已走遍多個國家及城市，雯女笑言此行雖然辛苦過拍戲，但大家很開心，因為除了向不同地方的人傳道外，也可以乘機享受旅遊的樂趣，一舉兩得。
鍾意撩男仔
雯女透露此行最開心的是與父親同遊，又可以欣賞建築家Gaudi的作品，她說：「我視Gaudi為偶像，但之前一直冇機會去西班牙欣賞佢嘅作品，今次終於去到，我哋重有去參觀佢嘅紀念公園，影咗好多相留念，而每次我去旅行好鍾意撩男仔，唔係成年嘅男仔，係細路仔，今次去歐洲，見到好多得意可愛嘅BB仔，每個我都走埋去影相同傾偈，佢哋鬼咁得意。」完成荷蘭最後一站後，傳道行程便會結束，雯女表示會返港為主演的劇集《女人唔易做》補做宣傳活動。
撰文：丁寧