上周五晚，滙控（005）在英國造947.50便士，折合港價134.05港元，較上周五本港高出1.85元。當晚美國ADR價86.68美元，折合港價134.41港元（計算滙價宜用實際市場價格而唔係7.80），較上周五本港132.20元高出2.21元。最特別嘅係，當晚成交折合928萬股，大增2.8倍，並且係03年5月以來最大成交。
滙控C輪2228：滙控喺歐美市場有啲動力，可留意滙控C輪。當然，今朝港市鳴鐘嗰陣，美國滙控已有實價，用乜嘢價上車要臨場執生。
揀對象唔想太搏又想搏搏哋，2228啱晒。隻輪7月初夠鐘，輪價56仙，溢價0.3%，槓桿率23.6倍（有效18.7倍），引伸波幅11.2%。
H指C輪4618：社保基金可以開始喺本港買嘢，對港股應有利好刺激，吼H指C輪（中企指數C輪），但若刺激太大，高追有風險，忍手為佳。
4618可視為理想對象，隻輪9月尾到期，輪價24.4仙，溢價2.5%，槓桿率8.5倍（有效6.6倍），引伸波幅23.3%。H指如果癲過頭，想反手造淡，諗隻P輪4852就啱數。
章盛