田少前排同田太、黨友方剛夫婦、同利豐馮國綸夫婦一齊去日本京都睇櫻花，好彩都仲趕得切睇，算係忙裏偷閒。田少忍唔住再講，唔知點解次次佢唔喺香港，佢隻馬新東武士就跑贏，搞到佢冇機會拉頭馬攞彩，真係好唔抵！咁馬迷就記住，下次田少唔喺香港時，記住落重注買新東武士喇。
但立法會工作就冇跑馬咁易贏，田少一直希望修改特首選舉條例，等政黨人士可以選特首，𠵱家田少等緊范太最後發落。如果田少選到特首，田太就榮升特首夫人，田少同佢太太一直好恩愛（田少提供相片為證），從來冇傳過緋聞，但佢細佬田二少，前排就俾周刊影到有紅顏知己。有記者上星期問田少，有冇同細佬了解情況？點知田少就即刻封嘴唔評論，唔知係咪有乜難言之隱？
爆料熱線：29290000、27860099
報料傳真：26239278
報料電郵：[email protected]