葉偉信與甄子丹去年合作的《殺破狼》口碑不俗，最近他倆有意開拍續集，更打算加碼以5,000萬的製作成本，炮製動作新潮流。男主角會加入古天樂演亦正亦邪的警探，甄子丹更會為古仔度身設計武打動作，再作連番對戰。
甄子丹今年初拉攏美國公司，與東方電影合作投資《殺破狼》續集，因為加入海外資金，所以他與導演葉偉信決定將續集的製作成本加碼，以5,000萬港元打造包含暴力美學元素的動作片。
洪金寶不會參戰
《殺》片的動作場面是影片的賣點，口碑不俗，最終票房近800萬。上集洪金寶與甄子丹於酒吧對打的場面，暢快淋漓，不過在《殺》片唯一生還者洪金寶，據知不會演出續集。
導演原本希望加入郭富城與古天樂，在戲中與甄子丹對打增加新鮮感，但因城城沒有檔期，合作計劃告吹。不過古天樂已經答應演出，更會由甄子丹親自為他設計必殺技。
甄子丹昨日接受電話訪問時說：「其實呢部戲正式嚟講並唔係《殺破狼》續集，因版權問題，我哋只會用番上集班底嚟拍1部類似題材嘅警匪片，喺戲入面，我會設計到古仔喺銀幕上嘅動作場面好有睇頭，但佢始終唔係打仔出身，太難度高嘅動作，我唔會夾硬畀佢做。等我去完康城返嚟，相信7、8月應該可以開拍呢部戲。」
兼任監製增壓力
今次甄子丹除擔任該片動作導演外，還擔任監製，所以壓力不少，近日他與葉偉信經常為影片開會，葉偉信昨日表示：「𠵱家主要都係搞緊劇本，續集雖然一樣會有暴力同血腥場面，但唔會刻意為暴力而暴力，始終要睇劇情發展，我相信只係意識上比較大膽，古仔同子丹都係演亦正亦邪嘅差佬，兩個角色都會有好突出嘅個性。」
採訪：陳月媚
