溫碧霞噚日帶埋佢嗰隻成6歲大嘅愛犬，去將軍澳電視城錄影節目《都巿閒情》。等入廠嗰陣，只見佢猛同隻狗玩，仲出動埋個人指定動作──跌膊同愛犬影合照。問溫碧霞隻狗叫乜嘢名？佢話單名一個X字。佢話阿X係老公送畀佢嘅聖誕禮物，仲訓練到佢𠵱家識得做一啲高難度動作㖭！馮仁昭問佢結婚6年點解仲唔生小朋友？佢就話：「我好享受𠵱家嘅生活，暫時冇咁嘅計劃！」