說女人是發電廠，雖帶點嘲諷，但總比處於跌watt狀態的好，只要女人雙眼叉爆電，真的可以勾走男人的三魂七魄。60年代的大美人柯德莉夏萍，早已教曉大家怎樣增大眼睛，黐假睫毛就是其不二法門。別小看一小撮的假睫毛，它可令天生麗質者錦上添花，先天不足者亦化腐朽為神奇，且還能激發獨特嫵媚的眼妝！
記者：盧家蕙
攝影：周旭文
Model：Fiona&Venessa（FromHKgenesis）
MakeupArtist：Meegan
HairStylist：Kinki
惹火電眼
上星期有報道指有女士嘅假睫毛着火，點解佢會火遮眼？因假睫毛黏膠未乾透所致。原來膠水中的化學成份屬高度易燃物質，由於膠水屬揮發及乾燥，在未乾透下女事主便取出香煙燃點，結果煙火燃着膠水揮發出來的易燃氣體，即時搶火並燒傷其頰。所以各位靚女，以後謹記一定要待膠水乾透後才好點火。
黐毛懂竅門
咪以為買咗假睫毛同膠水就能把睫毛黐上眼，唔識竅門分分鐘黐極都黐唔到，記住做足以下準備，跟實化妝師教路，得閒多點練習，自然熟能生巧啦！
工具：假睫毛、膠水、睫毛夾、睫毛液、棉花棒。
Step
黐毛小貼士
化妝師Meegan教路剪睫毛時要跟眼形，眼頭位剪短一點，眼尾長點，左右不可換轉，要貼近真睫毛。「膠水不可塗太多，否則會有膠水迹；太少又好易令假毛彈出來。黐睫毛後可能要補畫眼線，視乎假睫毛邊緣位是否透明。」
點除假毛？
單手由眼頭位向外扯出，最緊要慢慢來，唔好心急，粗暴對待不但令假睫毛屈曲甚至折斷，更有可能令眼皮鬆弛，到時喊都無謂！
Shoplist：
shuuemura 22657582
RMK 28650941
May'sCompany 23698789
盡玩花巧
睫毛就如衣裳，跟衣服一樣都要配搭場合，花少少時間挑選一小撮七彩假睫毛，只要配襯得宜，即時魅力大增，成為眾人焦點！
假日消閒Look
返工日日塗黑色睫毛液，放假仲唔鬆一下，拋開黑色枷鎖，黐上七彩睫毛行街街，低調中見突出。
彩色夜蒲Look
去Ball或夜晚出去蒲，邊個唔想全世界望住你，大膽選擇以下幾款「舞台專用」假睫毛，造型突出，即使撞衫撞鞋撞到九彩，我都唔信有人會同你撞睫毛！
老外至愛鳳眼
如果想塑造鳳眼引鬼，可以選擇以下款式，令你更隨心所欲地創造不同眼形。
