Hea：南華降班　球迷大叫扺死！

這年頭，電視每晚直播英超意甲西甲球賽，各國球星輪流獻技，問心除一眾上年紀的本地老球迷外，還有誰願意花錢花時間觀場本地甲組球賽？不過即使大部份港人已離棄本地波，但也一定為曾27奪聯賽冠軍的香港紅魔鬼南華降班痛心，街訪球迷，一人一句歸納出降班7宗罪，並謂足總有意挽留南華繼續留在甲組大大不該。我不看本地足球，但相信公平較技的體育精神，班霸班霸，成績差勁還可以「霸」着甲組席位，這樣子的班霸，不當也罷……

記者：曾冠輝　攝影：楊錦文、陳盛臣

香港紅魔鬼玩完

南華聯賽最後一戰對公民，公民和波可順利留班，南華則必須全取3分才能護級，惜縱有歐偉倫全場拼搏，還是孤掌難鳴，最後
……天下同聲一哭，南華降班。

降班7宗罪

4月24日2:00pm，南華於旺角球場與公民戰成1:1，後者成功護級前者鐵定降班。樹倒猢猻散，球隊14戰僅得13分，總監梁守志及顧錦輝先後引咎辭職，國援們更早已返回祖國，逃之夭夭，雖說足總有意挽留南華繼續於甲組作賽，但其班霸地位早已名存實亡。街訪球迷，得出以下降班7宗罪，一，全華班策略錯誤，3年南華因削減班費開始用全華班，結果在每隊皆有外援球員的情況下艱苦經營，年年積弱；二，南華採用3位教練，而3位教練又未能建立默契，調配乏術；梁守志誤用國援，有傳只透過中介人揀選內地球員，未有真正視察球員表現，最終貨不對辦；四，臨場調動失宜，這不是我說的，是顧錦輝自認的：「我缺乏經驗，唔識點樣訓練球員。」五，球員態度散漫，有球迷見過球員練習遲到兼敷衍，邊練習邊說到哪裏泡女；六，管理層不懂吸取教訓，上季試用國援最終勉強護級排第六，今屆不作改善行動，死得！七，比起愉園傑志近年積極招攬球迷，南華球迷會欠缺組織，連內部活動亦欠奉，到場支持球隊的球迷愈來愈少，未開場先輸氣勢。

愛紅衫所以捧南華

南華降班，但尚有2位忠實南華躉至今仍只唾罵，不唾棄。問2人因何愛南華，佐敦說：「着紅衫多數係強隊，所以迷上香港紅魔鬼，同屋企人睇波鍾意捧紅衫嗰隊，10年前睇落嘅南華又真係幾勁……」「我又係喎，開頭鍾意曼聯，後來跟朋友入場睇南華，見佢哋着紅衫又踢得幾好，於是就鍾意南華嘞。」花兒搶着說。2人非常回味當年萬人空巷入場欣賞球賽的熱鬧氣氛：「98至99年南華決賽對愉園，有成萬人入場睇波，我哋要早成個鐘入場霸好位，𠵱家無呢支歌仔唱囉。」
那南華應否降班？佐敦慨歎：「雖然唔想，但南華又真係抵死，惟有繼續支持，照樣睇佢哋喺乙組比賽。」花兒則說：「今季南華所有比賽我都有入場睇，球員練習我照捧場，唔少球員都認得我。最後場波輸咗，我喊到死，不過我知道要服輸唔可以賴死，都驚佢降班升唔番上甲組，就算降落乙組去到青衣比賽，我都會去睇。」

■2人愛紅色球衣所以愛南華，就是這麼簡單。

■看樣子，想不到佐敦有10年擁南華年資。

■誰說港女只懂曼聯？花兒就最愛香港紅魔鬼。

丘建威：應該留喺甲組！

當全世界都認為南華應該降班之際，現為足球評述員的丘建威卻唱反調，這不難理解，始終他在南華度過光輝11年，還當過隊長：「降班個個球員都有責任，不過國援表現又的確令人失望，講真，班國援喺內地站得住腳都唔會嚟香港搵食喇！上面待遇仲好過香港啦……雖然我好尊重升降班制度，但都唔可以忽略球壇大圍因素，如果南華降班，隊中好多具潛質嘅年輕球員可能會搵唔到其他球會落班而轉行，咁將會係本地球壇一大損失，所以我認為南華應該留喺甲組囉。」損失還損失，但輸就要罰，我不認同他的說法。