同事Chris和卓每當完成工作休息時，都會睇吓二手車網有無甚麼好車，點知早兩日俾佢哋發現到有個筍盤，跟住就成日叫我換車，究竟係咩車？咪係CorollaGT囉！我仲好記得當年買新車前，曾經走到東九龍區某個已結業的二手車場睇車，那時跟朋友見到一部剛啱到場嘅水貨豐田CorollaGT，用的是1.6公升引擎，波箱則是6前速手波，睇到我口水都流晒出嚟。不過，到差不多成交時卻發現部車原來係水浸車，所以到最後都係走咗返去落長沙灣買部新款Corolla。
講真，你估我唔想買GT咩，但係買咗新Corolla之後，我又覺得部車幾好吖，部車齊料又係手波，要快跑又得要斯文揸又得，最緊要係自己同屋企人坐得舒服。同事Chris和卓，你哋都係算吧啦，我唔會換車㗎喇！
記者：鄭達基