藍潔瑛昨日為新城的慈善活動獻唱，她精神甚佳，說話亦有紋有路，但她自從指摘資助她生活費的曾權威律師愛亂說話、勾搭記者，讓她感到很難頂後，曾律師即扣減其生活費。
藍潔瑛、梁詠琪（GiGi）、關心妍、許懷欣及應昌佑等昨日到黃埔出席「新城小菠蘿慈善唱K馬拉松」活動，藍潔瑛比原定時間遲到半小時，精神奕奕的她在台邊伸懶腰暖身，適逢譚玉瑛也在場，兩位昔日兒童節目《430穿梭機》同僚互相慰問合照，還與麥長青合唱《紅日》及《430穿梭機》主題曲，藍潔瑛不夠氣時更拍拍心口，其後她獨唱《至少還有你》及《That'swhyyougoaway》，觀眾反應熱烈。藍潔瑛說：「好開心，我成日諗起《430穿梭機》，不過我哋冇聯絡，個心有大家就得。」
藍潔瑛談到近況時表示，現時的生活費還是由曾權威律師資助，她說：「我𠵱家生活都係靠曾律師sponsor，感覺唔好㗎，佢鍾意亂講嘢，鍾意成日勾搭記者，我真係覺得佢『un頂able』呀！」
「靠自己去乞食？」
問藍潔瑛可有向曾律師反映？藍潔瑛說：「有，同佢講唔鍾意，反應好激烈㗎，所以佢將啲supportcut晒，比初頭答應嘅數目減少好多。」問她何不靠自己？她說：「靠自己去乞食呀？我真係搵唔到工，sales搵過，拍戲不在話下啦，啲報道好影響我。」藍潔瑛謂現要盡快找工作，她欲在報章雜誌寫專欄，也希望有人支持她出書，早前她為某減肥公司拍廣告，結果只收了10%酬勞該公司便倒閉，她說：「可能合約寫我係模特兒，唔係代言人，先冇fullpayment。」藍潔瑛表示有一段時間沒看醫生，但因失眠又要求醫，她說：「我搬出市區，啲記者搞住晒，好冇安全感，好困擾。」
而與鄭伊健分手後的梁詠琪看來心情已平復，在主持開幕儀式時，更與小男孩兩度啜嘴，又被幾位小朋友圍着錫錫，令她笑逐顏開。
GiGi強裝瀟灑
早前GiGi被拍下已搬離昔日與伊健毗鄰而居的匡湖居，獨自搬到港島區居住，昨日她被問到此事時竟答：「冇呀！」接着又立即說：「唔係唔係，搬唔搬都冇所謂啦，我四海為家，況且我呢大半個月都唔喺香港，我只係換咗個擺行李嘅地方啫！」問GiGi此舉是否想搬離傷心地避免與伊健碰面？她說：「唔好咁講，唔使避呀，呢啲係報道嘅揣測，唔使理，我都係方便做嘢先搬，好多時我都會返媽咪屋企。」
採訪：李珮洳 攝影：陳俊強、仇志德
