5月1日心情：疑惑
美國老任突然在網上發布，將Revolution正式定名為Wii，佢話「革命」只是代表了一個方向，Wii的發音有如We（我們），而且亦代表了「答案」，另外佢仲在附加解釋中，話2個「i」中，一是代表了獨一無二的手掣，二是利用影像（Image）將人連結在一起！哎！我仲以為中國人先鍾意咬文嚼字，估唔到老外同日本仔都嚟呢套，「講咗」都唔知講乜！
不過文字係死嘅！佢仲為Wii特別製作了一段宣傳短片，好多人第一眼睇見，都覺得佢好鬼PIXAR盞枱燈Feel！不過更重要嘅，係片段中的i字，先向鏡頭以外嘅i字互發飛鏢對打，之後仲有4個i字以2對2的方式對打，睇嚟連線對戰的意味，真係不言而喻！
至於個新名起得好唔好，網上亦惹起廣泛討論，好多人都係感覺Revolution好啲，革命創新、好似貼題啲！而且上半網友對Wii呢個名，討厭到達「唔敢相信」程度，主觀覺得佢係一個遲來的愚人節笑話；激進啲嘅，甚至話Wii個發音好似Wee，須知好多細路仔講尿尿發音為WeeWee，而且仲醒老任一句「革命尚未成功，同志何須尿尿」，真係俾佢哋吹脹！