有指近日隔空罵戰的汪明荃和杜琪峯，宿怨始於多年前合作的無綫劇集，當年杜琪峯在無綫任PA時，是導演王天林的徒弟，而王執導的劇集更造就兩人多次合作。對於阿姐和阿杜近日的爭拗，天林叔昨日表示過去從沒見到他們爭執的情況，他在電話中說：「嗰段時間我都冇聽過佢哋嗌交，而且都冇同我投訴喎。但係阿杜嘅性格到𠵱家都冇變，人好率直，不平則鳴，睇唔過眼嘅嘢就會出聲。」
而當年與阿姐合作無間的謝賢，昨日則對往事突然失憶，他笑笑口說：「咁多年前嘅嘢，我失咗憶唔記得啦﹗」
秦沛呼冤
此外，秦沛前日與汪明荃拍攝劇集《東方之珠》時，指阿姐當年拍《京華春夢》時曾罵過杜琪峯，令外界以為他知道很多內幕，但昨日秦沛大呼冤枉說：「佢哋拍《京華春夢》時我都未入TVB，我只係行過多口講句，大家都誤會咗，今次真係弊傢伙。」
採訪：戴彩煥