講咗好耐話要走嘅翁以登，噚日終於起行啦！不過首站唔係上海，而係Starbucks大本營西雅圖，佢話會喺當地留3個星期，先做一個星期咖啡佬，再同高層開多兩個星期會，5月下旬先正式到上海履新，仲話心口大大個勇字掛咗喺度，就算到時要洗廁所、掃地同埋做清潔，都冇有怕！
識聽唔識講上海話嘅翁以登，做決策、拓展業務及管理就梗係無難度，反而滙款、生活文化同請人呢啲濕碎嘢，就令到佢頭都大埋。
翁以登又話，香港地方細，好難搵到心水大屋，去到上海終於搵到間樓高三層，二千幾呎嘅排屋，不過冇耐後，佢就發現對面嗰家人成日晾晒啲底衫褲對住佢，真係吹到佢「啤」一聲，家吓仲未諗到辦法點解決。
傳真︰2623-9278
電郵︰[email protected]