福特車廠呢期真係新車多籮籮，喺歐洲推出全新嘅S-MAX同Galaxy之外，連向來都係以客貨車身份出現嘅Transit最近都決定轉Look搞搞新意思：「如果唔轉，我仲點出嚟行呀？」
內外皆新至有型
講真，起初我聽到話Transit轉Look都唔係幾信，因為我覺得個樣無咩吖！但係我睇完新車嘅相之後，又真係唔同講法喎！雖然部車個車形同原來嘅差唔多，但原來車頭鬼面罩轉咗做有3條橫柵嘅款式，襯埋旁邊嘅大燈，部車登時型好多。車廂布局方面，則用上類似私家車的設計，例如更加易讀嘅錶板、中控台設備和按鍵，以及令人坐得更舒適的座椅等等，統統都係新款Transit的改變重點。
引擎配搭選擇多
跟舊的Transit一樣，廠方同樣為新車安排有7台引擎供選擇，當中包括全新的2.2公升和2.4公升的DuratorqTDCi柴油引擎，波箱則是5前速或6前速的Durashift手動波箱，開起車來輕鬆容易，重點係慳油嘛！