李克勤隻《李克勤得心應手演唱會》DVD係用高清模式拍攝，佢噚日同300個fans喺太古城某戲院一齊欣賞精華片段，唔知係咪太清晰嘅關係，連克勤面上嘅毛孔都睇得到，克勤話：「真係每條頭髮都睇得好清楚，所以拍片之前，佢哋叫我做facial，而且化妝要靚。」 問克勤有冇信心做靚仔，佢笑住話：「盡量啦！我唔行呢條路線好耐喇！」克勤又話希望今年嘅IFPI銷量大獎可以再奪殊榮喎。