專拍苦情戲、演而優則導嘅西降籌備新戲期間，周圍去搵演員拍佢部戲，不過佢女友真係幾冇品，周圍同人講話個個紅星都想拍西降嘅戲，講到牛天王都要嚟𢱑撈，關仁就真係有啲懷疑，以牛天王今時今日嘅地位，使唔使呀！西降拍完大笑姑婆，佢同女友又周圍唱人做戲唔得，關仁覺得作為導演，你拍嘅演員做戲唔得，你應該去教吓個演員點做戲，唔係咁冇品去周街唱人，咁樣以後仲邊有演員敢同你拍戲呀？