唱片公司花心少爺爛滾係人都知，佢老竇做生意一向精明，驚佢俾女人呃錢，所以一直經濟封鎖佢，如果涉及大筆金錢往來，一定要問過老竇先開到支票，不過佢兩仔爺都有共通點，花心大少老竇一樣好風流，關仁喺澳門撞過佢拖住個類似北姑嘅女子行街，初時以為係佢老婆，但睇真啲個女人年紀做得佢個女咁滯，又嗲又妖，真係冧死花心大少老竇，難怪佢從來唔會話個仔花心啦！