梅媽（右）前晚又入咗聖保祿醫院，聽佢個仔梅啟明（左）講，梅媽今次係俾抗癌會會址嘅業主激親，梅啟明話：「啲無良業主明知個舖漏水開唔到舖，都仲要交租，對方仲話要告梅媽，激到梅媽病咗。」跟住梅媽又乘機喺度呻：「早排通波仔做手術做咗17萬，會計師樓只係畀咗16萬幾我，乜都要等法庭批，又話要劉培基同意！」關仁真係想勸梅媽凡事睇開啲，咁病痛咪自然會少啲囉！