「咪睇我外表好似好斯文，其實好鍾意打機㗎！仲要打啲好暴力嘅遊戲，好似打拳、GTA（GrandTheftAuto）等，愈暴力就愈好。好似玩GTA，我會自己上網搵啲秘技出嚟，又會印晒啲天書嚟睇，如果搵到特別嘅武器，會好有成功感㗎。而且我打機好肉緊，每次工作有空檔，都會喺保母車上面同助手玩對打，打到有時唔願落車做嘢，可能我鍾意刺激啦，所以玩呢啲遊戲多。」
日期：4月22日
AV裝備：PSP遊戲GTA
張文慈即拍即洗
「我會隨身帶住部數碼相機喺身，因為好多時入廠拍劇，我會叫助手影低自己嘅playback，不過我多數唔會keep喺電腦同相機裏面，因為都怕放上電腦會俾人攞到，而且我冇曬相嘅習慣，所以睇完我就會洗咗佢。其實我買相機亦會睇個外形，可能男仔就會睇function多啲，但我就唔會咁注重，反而我買呢部機就係貪佢夠薄同易用。」
日期：4月23日
AV裝備：SonyCyber-Shot
DSC-T7數碼相機 近$4,000
唐寧手機拍狗
「其實我唔會追新款嘅電話，通常都係啱自己用先買。呢個牌子嘅電話我用過好幾次，覺得影相功能好好，平時見到有乜嘢就可以用個電話影相，唔使再帶多部相機，咁咪方便啲囉！好似呢個電話就影咗啲狗仔嘅相，就算返工都可以見到佢哋喇，而且我又用慣佢哋嘅function，所以都係用呢個牌子囉！」
日期：4月23日
AV裝備：Sharp903手提電話約$4,900
Race影勻全球
「部手提電話係爹哋送嘅，我有寫網上日記嘅習慣，除咗有文字，仲會有相㖭，相機就未必可以隨身帶住，不過電話就一定跟身，所以去到邊度見到得意嘢，都可以用電話裏面嘅相機影低，有時仲可以拍埋短片，呢部電話仲有埋3G，就算去到日本都一樣可以用。」
日期：4月27日
AV裝備：NokiaN70電話$4,000
CanonIXUS700相機
