羅可旋對時裝充滿熱誠，公幹時會趁機到跳蚤市場尋寶，因緣際會認識了法國時裝品牌breadnbutter的創作總監AldricSpear。
羅可旋說：「我哋喺巴黎跳蚤市場遇到，傾傾吓時裝經先知道佢係做時裝設計，之後就促成同breadnbutter嘅合作計劃，𠵱家有份參與設計、製作。」
breadnbutter走法國少女時裝路線，除AldricSpear任設計總監外，作為著名設計工作室SurfacetoAir的主腦，邀請歐洲cult界精英交流，亦不時加入時裝設計搖籃、英國的CentralSt.Martins及美國的ParsonsSchoolofDesign畢業生參與，實行集合世界新思維，擦出火花，亦體驗了羅可旋提倡栽培人才的理念。
難得夫婿包容
身為職業女性，要兼顧事業和家庭，羅可旋的時間表永遠排得密麻麻，她說：「所以我要更加懂得時間管理，先可以搞得掂。星期一至五我返工返9點至7點，星期六、日就一定陪家人。我會忠於自己嘅承諾，如果要蒲又要玩，根本就冇可能，𠵱家唯一就係少咗時間揼骨。」
重視溝通
01年與夏錦安結婚，育有女兒Valerie，羅可旋絕不會忽視家庭，她說：「老公好接受我，雖然間中會有少少投訴，如果冇激嬲佢，佢大部份時間都好支持我。囡囡仲細，平時放工返屋企抱多啲佢，同佢傾吓偈，講故事溝通就得。」