近日有傳徐濠縈再度懷孕，身為阿徐好友的劉浩龍（師兄）昨日到奧海城出席港台活動時澄清有關傳聞，更力證阿徐100%沒有懷孕，他說：「佢一定冇大肚，瘦到咁都叫大肚，我嫌佢瘦過頭呀！我肯定佢冇（指懷孕）。如果佢有BB，一定唔會着高踭鞋，𠵱家佢健步如飛呀。」
與歌迷展罵戰
表演嘉賓之一何韻詩透露近日於其網上日記（blog）上與歌迷展開罵戰，她說：「我喺個blog度用暗號表達自己一啲意見，點知有啲fans估錯晒我嘅意思，咁我咪留言話佢哋囉，搞到大家𠵱家好似嗌交咁。」
至於同場的關心妍則表示日前穿上1吋高的高踭鞋過馬路時，不小心跌倒，她說：「嗰日我行出馬路就成個人好似朝拜咁仆咗喺地，連手袋都飛咗入車底，我即刻起身就即走囉！」
採訪：李珮洳
攝影：陳偉權