新晉男歌手出道冇幾耐就是非多多，身邊女人車輪轉，打交犯法樣樣齊，個底咁花仲成日想扮乖仔，原來佢仲係社團中層人士，有班口靚跟佢㗎。有日新晉男歌手做完嘢，搞到三更半夜先返屋企，點知落到街想上保母車時，突然有幾個口靚仔走埋嚟，必恭必敬咁叫男歌手做大佬，仲話要護送大佬返屋企，激到經理人死，拿拿臨叫新晉男歌手以後唔准俾班口靚埋身，以免形象花上加花。