張小姐稱，上月她被1個廣告吸引，到旺角梨和園韓日料理用膳。她說：「我買咗本《新假期》雜誌，裏面有梨和園嘅自助餐廣告，寫明特別場每位78蚊，覺得幾抵，於是就訂位，當晚我同6位朋友去試，喺電話度我仲再次問個職員，確定價錢係78蚊。點知食完埋單，佢哋竟然收85蚊1個人，我哋同職員理論，佢就話個廣告係舊價，店門口已經寫咗新價錢。好激氣，我係根據新廣告嚟幫襯，𠵱家又話呢個係舊優惠，咁同坐地起價有乜分別！」
雜誌錯刊舊廣告
梨和園韓日料理經理劉先生就事件對張小姐致歉。他說：「呢輯廣告，我哋同時間喺幾本雜誌刊登，只有張小姐買嗰本出錯，我哋喺出街前又冇睇過嗰廣告，先至會將個舊價錢登出嚟，引起誤會。又咁啱張小姐埋單時，經理唔係度，其他職員又唔識處理，先會收貴咗佢。𠵱家我哋除咗同張小姐講對唔住，亦願意將多收差價嘅兩倍，賠番俾客人，希望佢接受。」
新假期雜誌B書廣告部鄧先生承認，事件乃因雜誌出錯造成。他說：「同個客人已經唔係第1次合作，今次客人直接用口頭提供廣告資料，我哋唔小心將價錢搞錯，真係唔好意思，嚟緊出版嘅雜誌，我哋都會就呢件事，出番更正啟事。」
檔案編號：0406062
投訴請附姓名、地址、電話。有關資料僅供聯絡，絕對保密。匿名投訴恕不處理。一經投訴，本報保留刊登權利。
蘋果投訴熱線：29290000
社會服務熱線：29908288
傳真：23702192
電郵：[email protected]