FranzFerdinand今年情人節來港玩咗晚，我無去，當然知道佢哋有幾紅，但聽歌口味從來偏電，呢隊Band有幾好聽幾型都對唔到號入唔到座，唔過電即係唔過電，無計！要講電音Favourite多到震，最就手講啱啱出新碟嘅Tiga。
Tiga本身音樂底唔算強，唔識睇譜唔識彈結他，寫歌編歌一路靠感覺，但一直Remix別人嘅歌全部彈出；01年一首《SunglassesAtNight》簡直成為Electroclash熱潮中最經典，摷嚟聽你自然會明點解咁得！得咗馬上成為搶手Producer，製作過包括：Fischerspooner、CabaretVoltaire、ScissorSisters、FelixDaHousecat、DepecheMode等等，但個人創作大碟遲遲唔出，出過嘅單曲又零零星星，幾乎給樂評界判死刑批佢只能改編搞混音。好在，個人全創作專輯《Sexor》終於面世，有自己風格，最緊要係好聽！莫講話佢，連我作為小Fans一名都有吐盡一口烏氣嘅感覺！
