李業廣早幾日出席完港交所嘅股東周年大會後，正式退任，噚日港交所出版最新嘅季刊，就訪問咗呢位做咗六年嘅前主席。查理斯話，佢父親常常教佢要造福社會，因此佢全力支持港交所同公益金合作，用股份代號慈善抽籤計劃，等新上市公司揀靚冧巴之餘，要向公益金捐錢，至今已經籌咗超過1.3億。
查理斯承認，任內並非事事一帆風順，例如遇上一啲公司違規事件，受到市場批評，但就經一事，長一智。佢話，雖然自己不再是主席，但佢永遠係港交所一分子，換言之並不曾離開。聽落唔通佢係太上皇？咁就要睇新主席夏佳理。順帶一提，夏佳理嘅主席任命噚晚終於獲特首曾蔭權核准，夏主席講明，佢會遵守規定，作出全面披露和聲明，避免利益衝突，凡遇上任何涉及上市公司監管範圍嘅事，佢都唔會擔任有關客戶嘅法律顧問。唔知咁佢會做少幾多生意？
傳真︰2623-9278
電郵︰[email protected]